తెలంగాణలో గురువారం నుంచి ఐదు రోజుల పాటు వర్షాలు

రాష్ట్రంలో గురువారం నుంచి ఐదు రోజుల పాటు వర్షాలు కురిసే అవకాశం ఉందని వాతావరణ శాఖ వెల్లడించింది. ముఖ్యంగా ఉత్తర తెలంగాణలోని ములుగు, భద్రాద్రి కొత్తగూడెం, ఖమ్మం జిల్లాల్లో వర్షాలు పడతాయని పేర్కొంది. ఈ నెల 19, 20, 21 తేదీల్లో ఈదురు గాలులు, ఉరుములు, మెరుపులతో కూడిన భారీ వర్షాలు కురుస్తాయని హెచ్చరిస్తూ 'పసుపు' రంగు అప్రమత్తత జారీ చేసింది.