ఈసీకి 'తెలంగాణ రక్షణ సేన' లేఖ

తమ పార్టీ రిజిస్ట్రేషన్‌పై వచ్చిన వెయ్యి అభ్యంతరాల కాపీలను అందించాలని తెలంగాణ రక్షణ సేన ప్రధాన కార్యదర్శి అనిల్‌కుమార్ కేంద్ర ఎన్నికల సంఘాన్ని (ఈసీ) కోరారు. ఆ వివరాలు లేకుండా తాము సమాధానం చెప్పలేమన్నారు. ఇప్పటికే 105 నియోజకవర్గాల్లో పార్టీ జెండాలు ఎగురవేశామని, ఇప్పుడు పేరు మార్చమనడం అన్యాయమని పేర్కొన్నారు. ప్రజాప్రాతినిధ్య చట్టం కింద తమ పార్టీ దరఖాస్తును పరిశీలించి, వెంటనే ఆమోదించాలని ఆయన ఈసీకి విజ్ఞప్తి చేశారు.