తెలంగాణలో ప్రభుత్వ ఉద్యోగాల వయోపరిమితి పెంపు!

తెలంగాణ ప్రభుత్వం నిరుద్యోగులకు తీపి కబురు అందించింది. ప్రభుత్వ ఉద్యోగాల గరిష్ట వయోపరిమితిని 34 ఏళ్ల నుంచి 44 ఏళ్లకు (పదేళ్లు) పెంచుతూ సీఎస్ రామకృష్ణారావు ఉత్తర్వులు జారీ చేశారు. నిరుద్యోగుల వినతుల మేరకు ఏడాది పాటు ఈ సడలింపు అమలులో ఉంటుంది. వివిధ నియామక సంస్థలు ఇచ్చే నోటిఫికేషన్లకు ఇది వర్తిస్తుంది. అయితే పోలీస్, ఎక్సైజ్, ఫైర్ వంటి యూనిఫాం సర్వీసు ఉద్యోగాలకు మాత్రం ఈ వయోపరిమితి పెంపు వర్తించదని ప్రభుత్వం స్పష్టం చేసింది.