తాళ్లరేవులో కోరింగ అభయారణ్య సందర్శన తాత్కాలికంగా నిలిపివేత

తాళ్లరేవు మండలంలోని కోరింగ అభయారణ్య సందర్శనను రెండు రోజులుగా నిలిపివేసినట్లు ఫారెస్ట్ రేంజ్ ఆఫీసర్ వరప్రసాద్ తెలిపారు. వర్షాలు పూర్తిస్థాయిలో తగ్గే వరకు సందర్శకులను అనుమతించబోమన్నారు. బోటు షికారును కూడా నిలిపివేసినట్లు చెప్పారు. ముందుజాగ్రత్త చర్యల్లో భాగంగానే ఈ నిర్ణయం తీసుకున్నట్లు వెల్లడించారు. తిరిగి సందర్శనకు అనుమతించే వరకు ఎవరూ రావద్దని కోరారు.