నాగపూర్‌లో స్వైన్‌ఫ్లూ కలకలం

నాగపూర్‌లో ఈ ఏడాది 25 స్వైన్‌ఫ్లూ (H1N1) కేసులు నమోదు కాగా, ఒక్క జూలైలోనే 15 కేసులు, ఒక మరణం నమోదయ్యాయి. గాలి ద్వారా వేగంగా వ్యాపించే ఈ వైరస్ పట్ల అధికారులు తీవ్ర అప్రమత్తత ప్రకటించారు. జ్వరం, గొంతు నొప్పి, శ్వాస ఇబ్బందులు ఉంటే వెంటనే వైద్యులను సంప్రదించాలని సూచించారు. ఆసుపత్రుల్లో మందులు సిద్ధం చేస్తూ, శ్వాసకోశ సమస్యలతో వచ్చే వారిపై ప్రత్యేక నిఘా ఏర్పాటు చేశారు.