సుప్రీంకోర్టు సంచలన తీర్పు: వివాహిత కుమార్తెలకూ హక్కు

కారుణ్య నియామకాల పరిధి నుండి వివాహిత కుమార్తెలను మినహాయించడం రాజ్యాంగ విరుద్ధమని సుప్రీంకోర్టు స్పష్టం చేసింది. కుటుంబం అనే నిర్వచనంలో వారికి చోటు కల్పించకపోవడం తీవ్రమైన వివక్షే అవుతుందని న్యాయస్థానం అభిప్రాయపడింది. అలహాబాద్ హైకోర్టు గతంలో ఇచ్చిన తీర్పును కొట్టివేస్తూ, ప్రభుత్వ ఉద్యోగి మరణిస్తే వారి వివాహిత కుమార్తెలకు కూడా కారుణ్య నియామకాల్లో సమాన హక్కులు ఉంటాయని అత్యున్నత న్యాయస్థానం తీర్పునిచ్చింది.