కులగణనపై సుప్రీంకోర్టు కీలక తీర్పు

జనగణనలో కులగణన మినహాయించాలన్న పిటిషన్‌ను సుప్రీంకోర్టు కొట్టివేసింది. ఇది ప్రభుత్వ విధానపరమైన నిర్ణయమని, వెనుకబడిన తరగతుల జనాభా వివరాలు తెలుసుకోవడం అవసరమని ధర్మాసనం పేర్కొంది. ఈ ప్రక్రియలో తాము జోక్యం చేసుకోబోమని స్పష్టం చేస్తూ పిటిషన్‌ను న్యాయస్థానం తిరస్కరించింది. ప్రభుత్వ గణన ప్రక్రియలకు ఈ నిర్ణయం మార్గం సుగమం చేసింది.