వేములవాడ, ధర్మపురిలో 'స్ట్రీట్‌ ఫుడ్‌ హబ్‌'లు

వేములవాడ, ధర్మపురి ఆలయాల వద్ద భక్తులకు నాణ్యమైన ఆహారాన్ని అందించేందుకు కేంద్ర, రాష్ట్ర ప్రభుత్వాలు సంయుక్తంగా 'స్ట్రీట్‌ ఫుడ్‌ హబ్‌'లను ఏర్పాటు చేయనున్నాయి. పీఎం స్వనిధి పథకంలో భాగంగా ఒక్కో కేంద్రానికి రూ. 5 కోట్ల నిధులతో, మెప్మా ఆధ్వర్యంలో అత్యాధునిక వసతులతో కూడిన 50 స్టాళ్లను నిర్మించనున్నారు. ఈ హబ్‌లలో మెప్మా సంఘ సభ్యులకు వ్యాపార అవకాశాలు కల్పిస్తారు. విక్రేతలు ఎఫ్‌ఎస్‌ఎస్‌ఏఐ ధ్రువీకరణ కలిగి ఉండటం తప్పనిసరి. ఈ ప్రాజెక్టు ద్వారా భక్తులకు పరిశుభ్రమైన, రుచికరమైన వంటకాలు అందుబాటులోకి రానున్నాయి.