సింహ వాహనంపై దర్శనమిచ్చిన శ్రీ వేణుగోపాలస్వామి

కార్వేటినగరంలోని శ్రీ రుక్మిణీ - సత్యభామ సమేత శ్రీ వేణుగోపాల స్వామివారి వార్షిక బ్రహ్మోత్సవాలు వైభవంగా జరుగుతున్నాయి. ఉత్సవాల్లో భాగంగా మూడో రోజైన సోమవారం స్వామివారు శ్రీ యోగ నారాయణుడి అలంకారంలో సింహవాహనంపై కొలువై భక్తులకు దివ్య దర్శనమిచ్చారు. ఈ వేడుకలో ఆలయ సూపరింటెండెంట్‌, ఇన్‌స్పెక్టర్‌, అర్చకులు మరియు అధికారులు పాల్గొన్నారు. స్వామివారి మంగళరూపాన్ని దర్శించుకోవడానికి భక్తులు అధిక సంఖ్యలో తరలివచ్చి తరించారు.