అంగన్‌వాడీలకు సోలార్ విద్యుత్

తెలంగాణలోని అన్ని అంగన్‌వాడీ కేంద్రాలకు దశలవారీగా సోలార్ విద్యుత్ సదుపాయం కల్పించాలని డిప్యూటీ సీఎం భట్టి విక్రమార్క అధికారులను ఆదేశించారు. హైదరాబాద్ ఐటీ కారిడార్‌లో ఫ్లైఓవర్ల కింద సబ్‌స్టేషన్ల ఏర్పాటుపై సమీక్షించారు. విద్యుత్ సమస్యల వేగవంతమైన పరిష్కారం కోసం త్వరలోనే 'పవర్ అంబులెన్స్' సేవలను ప్రారంభిస్తామని, విద్యుత్ సరఫరాలో అంతరాయం లేకుండా చూడాలని స్పష్టం చేశారు.