సిరిసిల్లలో పెట్రోల్‌లో నీరు వచ్చిందంటూ వాహనదారుడి ఆందోళన

రాజన్న సిరిసిల్ల పాత బస్టాండ్ సమీపంలోని పాత పెట్రోల్ బంక్‌లో పెట్రోల్ పోయించిన అనంతరం తన వాహనం పాడైందని తంగళ్ళపల్లి మండలం జిల్లెల్ల గ్రామానికి చెందిన కృష్ణ ఆరోపించారు. పెట్రోల్‌ను పరిశీలించగా నీరు కలిసినట్లు గుర్తించామని తెలిపారు. ఈ విషయంపై బంక్ సిబ్బందిని ప్రశ్నించగా దురుసుగా సమాధానం ఇచ్చారని ఆరోపించారు. పెట్రోల్‌లో నీరు ఎలా వచ్చిందో అధికారులు విచారణ చేసి, తనకు న్యాయం చేయాలని కోరారు.