శ్రీవారి చరిత్రకు తిరుమల మ్యూజియం

తిరుమలలో ఆధునీకరించిన శ్రీ వేంకటేశ్వర మ్యూజియం 14 ఇంటరాక్టివ్‌ గ్యాలరీలతో భక్తులకు అందుబాటులోకి వచ్చింది. టాటా గ్రూప్, టీసీఎస్ సహకారంతో 3డీ, హోలోగ్రాఫిక్ టెక్నాలజీలతో ఆలయ చరిత్రను అద్భుతంగా ఆవిష్కరించారు. ఇందులో అన్నమయ్య రాగిరేకులు, పురాతన నాణేలు, రాజవంశాల శాసనాలు మరియు 400 ఏళ్ల నాటి సంగీత వాయిద్యాలను భద్రపరిచారు. తిరుమల గత వైభవాన్ని కొత్త తరానికి అందించేలా మ్యూజియాన్ని తీర్చిదిద్దారు.