వర్షానికి కారుతున్న పాఠశాల షెడ్డు

పెదబయలు మండలం నిట్టాపుట్టు ప్రాథమిక పాఠశాల రేకుల షెడ్డులో నడుస్తోంది. గురువారం కురిసిన వర్షానికి పైకప్పు కారడంతో తరగతి గదంతా తడిసిపోయి, విద్యార్థులు తీవ్ర ఇబ్బందులు పడ్డారు. తాత్కాలికంగా టార్పాలిన్లు కప్పినా ప్రయోజనం లేకపోవడంతో, వర్షానికి విద్యార్థులు తడిసిముద్దవుతున్నారు. వసతులు లేక విద్యార్థులు పడుతున్న ఈ అవస్థలపై అధికారులు తక్షణమే స్పందించాలని కోరుతున్నారు.