రుద్రప్రయాగలో ఉప్పొంగుతున్న అలకనంద: కేదార్‌నాథ్ యాత్ర నిలిపివేత

భారీ వర్షాల కారణంగా రుద్రప్రయాగ వద్ద అలకనంద నది నీటిమట్టం హెచ్చరిక స్థాయిని దాటి ప్రవహిస్తోంది. నదీతీర ప్రాంత ప్రజలు సురక్షిత ప్రాంతాలకు వెళ్లాలని జిల్లా యంత్రాంగం హెచ్చరిక జారీ చేసింది. అలాగే గౌరీకుండ్ సమీపంలో కొండచర్యలు విరిగిపడి కేదార్‌నాథ్ ట్రెక్కింగ్ మార్గం దెబ్బతినడంతో యాత్రను తాత్కాలికంగా నిలిపివేశారు. సహాయక బృందాలు శిథిలాలను తొలగించే పనుల్లో నిమగ్నమయ్యాయి.