RTC బస్సు ఢీకొని గాయాల పాలైన వృద్ధుడు

శ్రీకాకుళం జిల్లా సీపన్నాయుడిపేట మండలం వెంకటాపురం జంక్షన్ వద్ద గురువారం రోడ్డు ప్రమాదం చోటుచేసుకుంది. బైక్‌పై రోడ్డు దాటుతున్న ఓ వృద్ధుడిని శ్రీకాకుళం నుంచి రాజాం వైపు వెళ్తున్న ఆర్టీసీ బస్సు ఢీకొట్టింది. ఈ ప్రమాదంలో వృద్ధుడు తీవ్రంగా గాయపడగా, ప్రస్తుతం ఎదుటివారిని గుర్తుపట్టలేని స్థితిలో ఉన్నట్లు సమాచారం. స్థానికులు వెంటనే స్పందించి గాయపడిన వ్యక్తిని చికిత్స నిమిత్తం ఆసుపత్రికి తరలించారు.