శ్రీవారి హుండీకి రికార్డు స్థాయిలో ఆదాయం

తిరుమల శ్రీవారి హుండీకి మంగళవారం రికార్డు స్థాయిలో రూ.6.12 కోట్ల ఆదాయం లభించింది. నిన్న 80,905 మంది భక్తులు స్వామివారిని దర్శించుకోగా, 33,539 మంది తలనీలాలు సమర్పించుకున్నారు. శ్రీవారి దర్శనానికి 20-24 గంటల సమయం పడుతోంది. భక్తులు శిలాతోరణం వరకు క్యూలైన్లలో వేచి ఉన్నారు. SSD టోకెన్లు లేకుండానే నేరుగా దర్శనం చేసుకోవాలని TTD సూచించింది.