కాకినాడలో పైలట్‌గా రేషన్‌లో సన్నబియ్యం పంపిణీ

ఆంధ్రప్రదేశ్ ప్రభుత్వం రేషన్ వినియోగాన్ని పెంచేందుకు కాకినాడ జిల్లాలో పైలట్ ప్రాజెక్టుగా సన్నబియ్యం పంపిణీకి శ్రీకారం చుట్టింది. ప్రస్తుత బియ్యంపై ఆసక్తి తగ్గడంతో మంత్రి నాదెండ్ల మనోహర్ ఈ నిర్ణయం తీసుకున్నారు. ఈ పథకం ద్వారా 6.45 లక్షల కార్డుదారులకు నెలానెలా సన్నబియ్యం ఇస్తారు. ఇతర జిల్లాలు, స్థానిక మిల్లర్ల నుండి బియ్యాన్ని సేకరించనున్నారు.