తెలంగాణలో వానలు: 12 జిల్లాలకు ఐఎండీ అలెర్ట్

తెలంగాణలోని పలు జిల్లాల్లో బుధవారం ఉరుములు, మెరుపులతో కూడిన మోస్తరు వర్షాలు కురిసే అవకాశం ఉందని వాతావరణ శాఖ (IMD) వెల్లడించింది. ముఖ్యంగా ఉత్తర, తూర్పు తెలంగాణ జిల్లాల ప్రజలు అప్రమత్తంగా ఉండాలని హెచ్చరించింది. ఈ వర్షాలతో పాటు గంటకు 50 నుండి 60 కిలోమీటర్ల వేగంతో ఈదురుగాలులు వీచే అవకాశం ఉందని, ఆదిలాబాద్, కరీంనగర్, భద్రాద్రి కొత్తగూడెం సహా 12 జిల్లాలకు ఎల్లో అలెర్ట్ జారీ చేశారు.