నిర్మల్ సహా పలు జిల్లాల్లో వర్ష సూచన

రాబోయే 24 గంటల్లో నిర్మల్, ఆదిలాబాద్, నిజామాబాద్, వరంగల్ సహా పలు జిల్లాల్లో ఉరుములు, మెరుపులతో కూడిన వర్షాలు కురిసే అవకాశం ఉందని టీజీఐసీసీ (TGICCC) హెచ్చరించింది. గంటకు 50-60 కి.మీ. వేగంతో ఈదురు గాలులు వీచే అవకాశం ఉన్నందున ప్రజలు అప్రమత్తంగా ఉండాలని సూచించింది. హనుమకొండ, నల్గొండ, సూర్యాపేట, సిద్దిపేట వంటి జిల్లాల్లోనూ వాతావరణం ఇలాగే ఉంటుందని అధికారులు తెలిపారు.