నేడు తెలంగాణలోని పలు జిల్లాల్లో భారీ వర్షాలు

తెలంగాణలోని పలు జిల్లాల్లో మంగళవారం ఉరుములు, మెరుపులు, ఈదురుగాలులతో కూడిన వర్షాలు కురిసే అవకాశం ఉందని వాతావరణ శాఖ వెల్లడించింది. బంగాళాఖాతంలో ఉపరితల ఆవర్తనం దీనికి కారణమని తెలిపింది. ఆదిలాబాద్, కరీంనగర్, ఖమ్మం, వరంగల్ సహా పలు జిల్లాల్లో వర్షాలు పడే అవకాశం ఉంది. కాగా, గడిచిన 24 గంటల్లో సిర్పూర్ (యు)లో అత్యధికంగా 10.1 సెం.మీ వర్షపాతం నమోదైంది.