రాచూరు బీటీ రోడ్డు పనులు పూర్తి చేయాలి

వెల్దండ మండలం రాచూరు నుంచి మండల కేంద్రానికి కలుపుతూ చేపట్టిన బీటీ రోడ్డు నిర్మాణాన్ని వెంటనే పూర్తి చేయాలని వార్డు సభ్యులు బెక్కరి సురేష్‌, స్వాతి శివశంకర్‌ కోరారు. మూడేళ్లు గడుస్తున్నా పనులు పూర్తికాలేదని తెలిపారు. ఈ మేరకు సోమవారం ప్రజావాణిలో ఫిర్యాదు చేశారు. రోడ్డు నిర్మాణం పూర్తికాకపోవడంతో ప్రజలు ఇబ్బందులు పడుతున్నారని, అధికారులు స్పందించి పనులను త్వరగా పూర్తి చేయాలని కోరారు.