ప్యాపిలి మండలం పెద్ద పూజర్లలో ఉద్రిక్తత

మండలంలోని పెద్ద పూజర్ల గ్రామంలో స్వల్ప ఉద్రిక్తత చోటుచేసుకుంది. అధికార పార్టీకి చెందిన ఇద్దరు నాయకుల ఆధిపత్య పోరు కారణంగా ఘర్షణ నెలకొంది . విషయం తెలుసుకున్న పోలీసులు వెంటనే ఘటనా స్థలానికి చేరుకుని పరిస్థితిని అదుపులోకి తీసుకువచ్చారు. ఇరువర్గాలకు చెందిన వారిని అక్కడి నుంచి చెదరగొట్టి ఎలాంటి అవాంఛనీయ ఘటనలు చోటుచేసుకోకుండా చర్యలు చేపట్టారు. ప్రస్తుతం గ్రామంలో పరిస్థితి అదుపులో ఉన్నట్లు సమాచారం.