పెరిగిన పసిడి హాల్‌మార్కింగ్‌ ఫీజు

పసిడి ఆభరణాల హాల్‌మార్కింగ్‌ ఫీజును బీఐఎస్‌ రూ.45 నుంచి రూ.75కు పెంచింది. ఈ మార్పు వెంటనే అమల్లోకి వచ్చినట్లు బీఐఎస్‌ వెల్లడించింది. వెండి వస్తువుల ఫీజు రూ.35గా యథాతథంగా కొనసాగనుంది. గుర్తింపు పొందిన అసేయింగ్‌, హాల్‌మార్కింగ్‌ కేంద్రాలకు పంపే ప్రతి పసిడి వస్తువుకు వ్యాపారులు రూ.75 చెల్లించాలి. ఒక కన్‌సైన్‌మెంట్‌కు కనీస ఛార్జీ రూ.200గా ఉంటుంది.