మంచినీటి బిల్లుల వసూళ్లపై వైరాలో ధర్నా

వైరా మున్సిపాలిటీలో తీర్మానం లేకుండా మంచినీటి బిల్లులు వసూలు చేస్తున్నారని ఆరోపిస్తూ బీఆర్ఎస్ నేతలు, కౌన్సిలర్లు మున్సిపల్ కార్యాలయం ఎదుట ధర్నా నిర్వహించారు. మూడేళ్ల బిల్లులను ఒకేసారి వసూలు చేయడాన్ని వ్యతిరేకించారు. దీనిపై స్పందించిన కమిషనర్, ఆన్‌లైన్ బిల్లింగ్ ప్రారంభమయ్యే వరకు వసూళ్లను తాత్కాలికంగా నిలిపివేస్తామని, వారం రోజుల్లో కౌన్సిల్ సమావేశం నిర్వహించి తీర్మానం తీసుకొస్తామని హామీ ఇచ్చారు.