కొలమద్దిలో యూరియా కోసం ధర్నా

గంభీరావుపేట మండలం కొలమద్ది గ్రామంలో యూరియా కొరతపై బీఆర్ఎస్ నాయకులు, రైతులు ప్రధాన రహదారిపై బైఠాయించి ధర్నా చేపట్టారు. సర్పంచ్ దిలీప్ ఆధ్వర్యంలో ఈ ఆందోళన నిర్వహించారు. సకాలంలో యూరియా అందక రైతులు తీవ్ర ఇబ్బందులు పడుతున్నారని దిలీప్ తెలిపారు. పంటకు సరైన సమయంలో యూరియా అందకపోతే దిగుబడి తగ్గే అవకాశం ఉందని పేర్కొన్నారు. అధికారులు స్పందించి యూరియాను అందుబాటులో ఉంచాలని డిమాండ్ చేశారు.