మానేరు వంతెనపై మారిన ప్రతిపాదనలు

సిరిసిల్ల రైలు మార్గంలో కీలకమైన మానేరు వంతెన నిర్మాణంపై ప్రతిపాదనలు మారుతున్నాయి. గతంలో 2.4 కిలోమీటర్ల రైల్‌ కమ్‌ రోడ్డు వంతెనకు ప్రణాళికలు ఉండగా, ప్రస్తుతం కేవలం రైలు వంతెన నిర్మాణంపై ప్రభుత్వం దృష్టి పెట్టినట్లు సమాచారం. మనోహరాబాద్‌-కొత్తపల్లి రైల్వే మార్గంలో పనులు కొనసాగుతున్నాయి. వంతెన నిర్మాణంపై తుది నిర్ణయం తీసుకుంటే సిరిసిల్లకు రైలు సేవలు ప్రారంభం కావడానికి మార్గం సుగమం కానుంది.