ప్రకాశం జిల్లాలో ఆలస్యంగా కౌంటింగ్ ప్రారంభం

ప్రకాశం జిల్లాలోని ఒంగోలు, అద్దంకి, చీమకుర్తి మున్సిపాలిటీల్లో ఓట్ల లెక్కింపు ఆలస్యంగా ప్రారంభమైంది. తుఫాన్‌ నేపథ్యంలో ఉదయం 8 గంటలకు మొదలుకావాల్సిన కౌంటింగ్‌.. మధ్యాహ్నం 12.30 గంటలు దాటిన తర్వాత ప్రారంభమైంది. వల్లూరు సమీపంలోని రైస్‌ ఇంజినీరింగ్‌ కళాశాలలో ఏర్పాటు చేసిన కౌంటింగ్‌ కేంద్రాన్ని కలెక్టర్‌ రాజబాబు, ఎస్పీ హర్షవర్ధన్‌ రాజు పరిశీలించారు. ఏర్పాట్లపై అధికారులను వివరాలు అడిగి తెలుసుకున్నారు.