పోచారం ప్రాజెక్టులో 1.287 టీఎంసీల నీరు

పోచారం ప్రాజెక్టు నుంచి పంటల సాగు కోసం ప్రధాన కాలువ ద్వారా 238 క్యూసెక్కుల నీటిని విడుదల చేస్తున్నట్లు ఏఈఈ అక్షయ్ కుమార్ తెలిపారు. శుక్రవారం ఉదయం 6 గంటల సమయానికి 1.287 టీఎంసీల నీరు నిల్వ ఉన్నట్లు పేర్కొన్నారు. ప్రాజెక్టు సామర్థ్యం 1.820 టీఎంసీలు కాగా, లైవ్ స్టోరేజ్ 1.675, డెడ్ స్టోరేజ్ 0.175 టీఎంసీలుగా ఉందన్నారు. రోజుకు 34 క్యూసెక్కుల నీరు ఆవిరి రూపంలో నష్టపోతున్నట్లు తెలిపారు.