డీఆర్‌ కాంగోలో విమాన ప్రమాదం.. 14 మంది మృతి

డెమొక్రాటిక్ రిపబ్లిక్ ఆఫ్ కాంగోలో శుక్రవారం జరిగిన విమాన ప్రమాదంలో 14 మంది మృతి చెందినట్లు సమాచారం. మృతుల్లో సైనిక న్యాయస్థానం అధిపతి, సాయుధ దళాల ఆడిటర్ జనరల్ కూడా ఉన్నట్లు తెలుస్తోంది. ప్రమాదం తర్వాత ఘటనాస్థలంలో విమానం శకలాలు, మంటల్లో కాలిపోయిన అవశేషాలు కనిపించాయి. ప్రమాదానికి గల కారణాలపై అధికారులు దర్యాప్తు చేపట్టారు.