పీహెచ్‌సీల్లో వైద్య సేవల కొరత

గ్రామీణ ప్రాంతాల్లోని ప్రాథమిక ఆరోగ్య కేంద్రాలు తీవ్ర సమస్యలతో కొట్టుమిట్టాడుతున్నాయి. 24 గంటల ఆసుపత్రులుగా ప్రకటించినా, సాయంత్రం 6 గంటలు దాటితే వైద్యులు అందుబాటులో ఉండటం లేదు. వైద్యులు, సిబ్బంది కొరత కారణంగా కొన్నిచోట్ల అటెండర్లే వైద్య సేవలు అందిస్తున్నారు. అత్యవసర సమయాల్లో వైద్యం అందక రోగులు తీవ్ర ఇబ్బందులు పడుతున్నారు.