పేర్ని నాని సవాల్: దమ్ముంటే నన్ను అరెస్ట్ చేయండి

ఏపీలో డీఎస్సీ, స్పోర్ట్స్ కోటా ఉద్యోగాల నియామకాలపై వైసీపీ నేత పేర్ని నాని తీవ్ర ఆరోపణలు చేశారు. తనపై వస్తున్న ఆరోపణలను సవాలు చేస్తూ, నిజంగా దమ్ముంటే తనపై విచారణ జరిపి జైల్లో పెట్టాలని చంద్రబాబు ప్రభుత్వాన్ని ఆయన డిమాండ్ చేశారు. ప్రభుత్వం స్పోర్ట్స్ కోటాలో అక్రమాలకు పాల్పడిందని నాని విమర్శించారు. క్రీడల జాబితాలో పేకాటను చేర్చి అభ్యర్థుల ఎంపికలో అవకతవకలకు పాల్పడుతున్నారని ఆయన మండిపడ్డారు. ఈ అక్రమాలను కప్పిపుచ్చేందుకే కూటమి ప్రభుత్వం ప్రయత్నిస్తోందని పేర్ని నాని ఆరోపించారు.