పేదలకు అండగా సీఎం సహాయనిధి

పేద ప్రజలకు అండగా సీఎం సహాయనిధి నిలుస్తోందని టీపీసీసీ డెలిగేట్ సుజిత్‌రావు అన్నారు. గురువారం తన నివాసంలో రూ.8.55 లక్షల విలువైన సీఎం సహాయనిధి చెక్కులను లబ్ధిదారులకు పంపిణీ చేశారు. ఈ సందర్భంగా ఆయన మాట్లాడుతూ ఆర్థిక ఇబ్బందుల్లో ఉన్న పేద కుటుంబాలకు ప్రభుత్వం అందిస్తున్న సహాయాన్ని సద్వినియోగం చేసుకోవాలని సూచించారు. కార్యక్రమంలో కాంగ్రెస్ నాయకులు, కార్యకర్తలు, లబ్ధిదారులు పాల్గొన్నారు.