తెలంగాణలో పవన్‌కు పూర్తి స్వేచ్ఛ ఉంది: సీఎం రేవంత్

తెలంగాణలో పోటీ చేసేందుకు పవన్ కల్యాణ్‌కు పూర్తి స్వేచ్ఛ ఉందని సీఎం రేవంత్ రెడ్డి స్పష్టం చేశారు. ప్రజా వ్యతిరేక వ్యాఖ్యల వల్లే మంత్రులు స్పందించారని పేర్కొన్నారు. తాను ఎప్పుడూ హిట్లర్‌ను ఆదర్శంగా తీసుకోలేదని స్పష్టం చేస్తూ, ప్రజాస్వామ్య విలువలను గుర్తు చేశారు. కేంద్రం తెలంగాణపై వివక్ష చూపుతోందని, నిధుల విడుదలకు కిషన్ రెడ్డి అడ్డుపడుతున్నారని రేవంత్ ఆరోపించారు. కిషన్ రెడ్డి కేటీఆర్ ఆదేశాల మేరకు పనిచేస్తున్నారని, ప్రాజెక్టుల విషయంలో కేంద్రం వైఖరి సరికాదని విమర్శించారు. బీజేపీకి ఓటు, సీటు చోరీలే తెలుసని ఆయన వ్యాఖ్యానించారు.