ఒలింపిక్స్‌ కోసం ఇప్పటినుంచే కసరత్తు

2028 లాస్‌ ఏంజెలెస్‌ ఒలింపిక్స్‌ను దృష్టిలో ఉంచుకుని భారత క్రీడారంగ పనితీరు వ్యవస్థను ఇప్పటినుంచే బలోపేతం చేయాలని షూటింగ్‌ మాజీ ఛాంపియన్‌ అభినవ్‌ బింద్రా అన్నారు. తాజాగా ముగిసిన ఆసియా క్రీడల్లో భారత్‌కు సానుకూల, ప్రతికూల అంశాలు రెండూ ఉన్నాయని పేర్కొన్నారు. కొందరు అథ్లెట్లు అంచనాలకు మించి రాణించగా.. మరికొందరు స్టార్లు నిరాశపరిచారని బింద్రా తెలిపారు.