తూ.గో జిల్లాలో కొత్తగా 234 పోలింగ్ కేంద్రాల ప్రతిపాదన

ఓటర్ల సౌలభ్యం కోసం తూర్పు గోదావరి జిల్లాలో కొత్తగా 234 పోలింగ్ కేంద్రాలను ఏర్పాటు చేయాలని అధికారులు ప్రతిపాదించారు. కేంద్ర ఎన్నికల సంఘం నిబంధనల ప్రకారం ప్రతి 1200 మంది ఓటర్లకు ఒక పోలింగ్ కేంద్రం ఉండేలా ఈ నిర్ణయం తీసుకున్నారు. దీంతో జిల్లాలోని పోలింగ్ కేంద్రాల సంఖ్య 1804 నుంచి 2038కి పెరగనుంది. నియోజకవర్గాల వారీగా అదనపు కేంద్రాల ఏర్పాటుకు అధికారులు ప్రతిపాదనలు సిద్ధం చేశారు.