నెల్లూరులో రూ.648 కోట్లతో కొత్త ఎయిర్‌పోర్ట్

నెల్లూరు జిల్లా దగదర్తి వద్ద పీపీపీ విధానంలో రూ.648 కోట్లతో విమానాశ్రయ నిర్మాణానికి ఏపీ కూటమి ప్రభుత్వం ఏర్పాట్లు పూర్తి చేసింది. జూన్ 12తో టెండర్ల ప్రక్రియ ముగియనుండగా, 15 రోజుల్లోగా అర్హత సాధించిన సంస్థకు పనులు అప్పగించనున్నారు. కేంద్ర అనుమతులు పొందిన ఈ ప్రాజెక్టు తొలి దశను 2028-29 నాటికి పూర్తి చేయాలని లక్ష్యంగా పెట్టుకున్నారు. ఈ విమానాశ్రయం అందుబాటులోకి వస్తే నెల్లూరు, ప్రకాశం, కడప జిల్లాల్లో పారిశ్రామిక ప్రగతి, ఉపాధి అవకాశాలు మెరుగవుతాయి.