ప్రముఖ నీలోఫర్ కేఫ్‌పై ఫైర్ డిపార్ట్‌మెంట్ కొరడా: ఆ సర్టిఫికేట్ ఎందుకు రద్దు చేశారు?

హైదరాబాద్ బంజారాహిల్స్‌లోని ప్రముఖ నీలోఫర్ కేఫ్‌పై తెలంగాణ అగ్నిమాపక శాఖ అధికారులు ఆకస్మిక తనిఖీలు నిర్వహించారు. ఈ తనిఖీల్లో నిబంధనల ఉల్లంఘనలు బయటపడటంతో, కేఫ్‌కు ఉన్న ఫైర్ ఎన్‌ఓసీ (నో అబ్జెక్షన్ సర్టిఫికేట్) ను అధికారులు తక్షణమే రద్దు చేశారు. భవనం నాల్గవ అంతస్తుపై ఎలాంటి అనుమతులు లేకుండా పూర్తిస్థాయి రెస్టారెంట్‌ను నిర్వహిస్తున్నట్లు అధికారులు గుర్తించారు. ఇది ప్రజల ప్రాణాలకు, ఆస్తులకు తీవ్ర ప్రమాదకరమని స్పష్టం చేస్తూ అగ్నిమాపక శాఖ ఈ కఠిన నిర్ణయం తీసుకుంది.