నరసరావుపేటలో అధ్వానంగా పారిశుధ్యం

నరసరావుపేట పట్టణంలో పారిశుధ్య పరిస్థితులు ఆందోళనకరంగా మారాయి. ప్రధాన రహదారుల వెంట చెత్తకుప్పలు పేరుకుపోయి రోడ్డుపైకి వస్తుండటంతో వాహనదారులు, ప్రయాణికులు ఇబ్బందులు పడుతున్నారు. రామిరెడ్డిపేట, సత్తెనపల్లి రోడ్డులోని క్లాత్‌ మార్కెట్‌ వద్ద పరిస్థితి మరింత దారుణంగా ఉంది. చెత్తను వెంటనే తొలగించి పారిశుధ్య సమస్యకు శాశ్వత పరిష్కారం చూపాలని స్థానికులు మున్సిపల్‌ అధికారులను కోరుతున్నారు.