ప్రమాదంలో మృతి చెందిన మొగల్తూరు యువకుడు

మొగల్తూరు మండలం వారతిప్పకు చెందిన విఘ్నేష్‌(24) ద్విచక్ర వాహనంపై వెళ్తుండగా ముత్యాలపల్లిలో 216 జాతీయ రహదారిపై లారీ ఢీకొట్టింది. తీవ్రంగా గాయపడిన ఆయన ఆసుపత్రికి తరలించేలోగా మృతి చెందారు. ఐదు నెలల కిందటే విఘ్నేష్‌కు వివాహమైంది. ఈ నెలలోనే ఆయన చెల్లి వివాహం జరగాల్సి ఉండగా ప్రమాదంతో కుటుంబంలో తీవ్ర విషాదం నెలకొంది. పోలీసులు కేసు నమోదు చేసి దర్యాప్తు చేస్తున్నారు.