మల్లేపల్లి చెరువులో చేపల మృతి.. మత్స్యకారుల ఆవేదన

కొండాపూర్‌ మండలం మల్లేపల్లి చెరువులో మంగళవారం ఉదయం చేపలు మృతి చెందాయి. చేపలు పట్టేందుకు వెళ్లిన మత్స్యకారులు చనిపోయిన చేపలను చూసి ఆవేదన వ్యక్తం చేశారు. పరిశ్రమల వ్యర్థ జలాలే చేపల మృతికి కారణమని వారు ఆరోపించారు. చెరువును కాంట్రాక్టుకు తీసుకున్న తనకు తీవ్ర నష్టం వాటిల్లిందని వెంకటేశం తెలిపారు. అధికారులు స్పందించి నష్టపరిహారం చెల్లించాలని కోరారు.