రైతులకు పూర్తి రుణమాఫీ చేయాలి: ఎమ్మెల్యే శంకర్‌

బీఆర్‌ఎస్‌, కాంగ్రెస్‌ ప్రభుత్వాలు రైతుల సమస్యలను పట్టించుకోవడం లేదని ఎమ్మెల్యే శంకర్‌ మండిపడ్డారు. ఆయన ఆత్మ కమిటీ ఛైర్మన్ల నియామకాలను రాజకీయంగా మార్చారని విమర్శించారు. రాష్ట్ర వాటా నిధులు విడుదల కాకపోవడంతో కేంద్ర నిధులు నిలిచిపోయాయని అన్నారు. రైతులకు పూర్తి రుణమాఫీ చేయాలని డిమాండ్‌ చేశారు. సమస్యను పరిష్కరించకపోతే బీజేపీ ఆధ్వర్యంలో రాష్ట్రవ్యాప్తంగా పెద్ద ఎత్తున ఉద్యమం చేపడతామని హెచ్చరించారు.