మెక్సికో: దొంగలను స్తంభానికి కట్టేసిన 'బ్యాట్‌మ్యాన్'!

మెక్సికోలో "మెక్సికన్ బ్యాట్‌మ్యాన్" అనే ఒక గుర్తుతెలియని వ్యక్తి సోషల్ మీడియాలో హాట్ టాపిక్‌గా మారాడు. మోటార్ సైకిల్ దొంగలను పట్టుకుని, చితకబాది, వారిని రోడ్డు పక్కన ఉన్న విద్యుత్ స్తంభాలకు టేపులతో కట్టేస్తున్నాడు. దొంగల ముఖాలపై పిల్లి మీసాలు గీసి, నుదుటిపై "దొంగ" అని రాస్తున్నాడు. గత 10 రోజుల్లో ఇలాంటి ఐదు సంఘటనలు జరగడంతో, ఆ వింత విజిలాంటే కోసం పోలీసులు గాలింపు చేపట్టారు.