మూసాపేటలో భారీ అగ్నిప్రమాదం

హైదరాబాద్ మూసాపేటలోని ఈవీ గోదాంలో మంగళవారం భారీ అగ్నిప్రమాదం జరిగింది. సమాచారం అందుకున్న అగ్నిమాపక సిబ్బంది మంటలను అదుపులోకి తెచ్చారు. ఈ ఘటనలో సుమారు 60 ద్విచక్రవాహనాలు పూర్తిగా దగ్ధమయ్యాయి. అదృష్టవశాత్తూ గోదాం ఖాళీగా ఉండటంతో ప్రాణనష్టం తప్పింది. గత ఎనిమిది నెలలుగా మూసి ఉన్న ఈ సెంటర్‌లో మంటలు ఎలా చెలరేగాయోనని పోలీసులు విచారణ చేపట్టారు.