ఏపీలో పెట్టుబడులకు మలేసియా ఆసక్తి

ఏపీలో పెట్టుబడులను ఆకర్షించేందుకు విజయవాడలో ఏపీ ఛాంబర్స్, మలేసియా ప్రతినిధుల మధ్య కీలక సమావేశం జరిగింది. రాష్ట్రంలోని పోర్టులు, లాజిస్టిక్స్, ఆక్వా, ఎలక్ట్రానిక్స్ రంగాల్లో ఉన్న భారీ అవకాశాలను ఛాంబర్స్ ప్రతినిధులు వారికి వివరించారు. ద్వైపాక్షిక వాణిజ్యాన్ని పెంపొందించుకోవాలని ఇరు దేశాల ప్రతినిధులు నిర్ణయించారు. మలేసియా కాన్సుల్ జనరల్ శరవణ కుమార్ సమక్షంలో జరిగిన ఈ చర్చలు, పారిశ్రామిక వృద్ధికి కొత్త భాగస్వామ్యాలను ఏర్పరిచేలా సాగాయి.