త్వరగా కీవ్‌ నగరం వీడండి: విదేశీయులకు రష్యా తీవ్ర హెచ్చరిక

ఉక్రెయిన్ రాజధాని కీవ్‌ను విదేశీయులు, దౌత్యవేత్తలు వెంటనే విడిచి వెళ్లాలని రష్యా హెచ్చరించింది. కీవ్‌లోని కీలక సైనిక, పరిపాలనా భవనాలు, కమాండ్ సెంటర్లపై మున్ముందు భారీ దాడులు ఉంటాయని రష్యా విదేశాంగ శాఖ సంకేతాలు ఇచ్చింది. ఇటీవల రష్యా హైపర్సోనిక్ క్షిపణులతో దాడులు ఉధృతం చేసిన నేపథ్యంలో, అమెరికా దౌత్య సిబ్బందిని కూడా ఖాళీ చేయించాలని రష్యా విదేశాంగ మంత్రి సెర్గీ లవ్రోవ్ అమెరికాకు సూచించారు. అయితే, ఇలాంటి బెదిరింపులకు తాము లొంగబోమని ఉక్రెయిన్ స్పష్టం చేసింది.