సుష్మా స్వరాజ్ సేవలను స్మరించిన నేతలు

మాజీ విదేశాంగ మంత్రి సుష్మా స్వరాజ్ వర్ధంతి సందర్భంగా లోక్‌సభ స్పీకర్ ఓం బిర్లా, కేంద్ర హోంమంత్రి అమిత్ షా నివాళులర్పించారు. ఆమె దేశసేవ, నాయకత్వం స్ఫూర్తిదాయకమని సామాజిక మాధ్యమాల్లో పేర్కొన్నారు. సుష్మా స్వరాజ్ క్రమశిక్షణ, ప్రజాసేవ పట్ల అంకితభావంతో అన్ని బాధ్యతలను సమర్థంగా నిర్వర్తించారని అమిత్ షా తెలిపారు. విదేశాంగ శాఖను సామాన్య ప్రజలకు చేరువ చేసిన ఆమె సేవలు చిరస్మరణీయమని పేర్కొన్నారు.