కురుపాంలో అక్రమ పశువుల వ్యాన్ పట్టివేత

కురుపాం పోలీసులు అక్రమంగా తరలిస్తున్న పశువుల వ్యానును పట్టుకున్నారు. ఆదివారం ఉదయం ఒడిశా నుంచి కురుపాం మీదుగా వస్తున్న వ్యానును ఎస్సై నారాయణరావు వాహన తనిఖీల్లో భాగంగా అడ్డుకున్నారు. ఎటువంటి అనుమతులు లేకుండా పశువులను తరలిస్తున్నట్లు సమాచారం అందడంతో ఈ తనిఖీలు నిర్వహించారు. పట్టుకున్న బొలెరో వాహనాన్ని పోలీస్ స్టేషన్కు తరలించి కేసు నమోదు చేసినట్లు ఎస్సై తెలిపారు.