క్రెడిట్‌కార్డు ఛార్జీలు తగ్గిస్తామని.. రూ.3.50 లక్షల స్వాహా

నిజామాబాద్‌ జిల్లా డిచ్‌పల్లి మండలం ధర్మారం (బి)లో సైబర్‌ నేరగాళ్లు క్రెడిట్‌ కార్డు వివరాలతో రూ.3.50 లక్షలు కాజేశారు. వార్షిక ఫీజు రూ.3,500 ఉంటుందని, యాప్‌ ఇన్‌స్టాల్‌ చేసి వివరాలు అప్‌డేట్‌ చేస్తే ఛార్జీలు తగ్గుతాయని నమ్మించారు. లింక్‌ ద్వారా APK ఫైల్‌ ఇన్‌స్టాల్‌ చేయించడంతో ఫోన్‌ను హ్యాక్‌ చేసి 4 క్రెడిట్‌ కార్డుల నుంచి డబ్బులు దోచుకున్నారు. బాధితుడు పోలీసులను ఆశ్రయించారు.