కోదాడ వాసికి ఆసియా కప్‌లో రజతం

కోదాడకు చెందిన కరాటే మాస్టర్‌, బ్లాక్‌ బెల్ట్‌ ఐదో డాన్‌ కొండపల్లి క్రాంతికుమార్‌ అంతర్జాతీయ స్థాయిలో ప్రతిభ చాటారు. సెప్టెంబర్‌ 27న ముంబైలో జరిగిన 9వ ఆసియా కప్‌ అంతర్జాతీయ ఓపెన్‌ కరాటే పోటీల్లో అండర్‌-30 కటా విభాగంలో రజత పతకం సాధించారు. పతకం, ధ్రువపత్రం అందుకున్న క్రాంతికుమార్‌ తెలంగాణ రాష్ట్ర కార్యదర్శిగా బాధ్యతలు చేపట్టారు. యువతకు కరాటేలో శిక్షణ అందించడమే తన లక్ష్యమని తెలిపారు.