ఆహార కల్తీపై కిషన్‌రెడ్డి ఆందోళన

తెలంగాణలో ఆహార కల్తీ ఘటనలు పెరుగుతున్నాయని కేంద్ర మంత్రి జి. కిషన్‌రెడ్డి ఆందోళన వ్యక్తం చేశారు. ప్రజారోగ్య పరిరక్షణకు రాష్ట్ర ప్రభుత్వం కఠిన చర్యలు తీసుకోవాలని కోరారు. ఆహార నాణ్యత పరీక్షల కోసం తెలంగాణకు రూ.11.68 కోట్లు విడుదల చేసి, మరో రూ.23.37 కోట్లను ఆమోదించినట్లు తెలిపారు. ఈ నిధులతో పరీక్షా ప్రయోగశాలలను బలోపేతం చేస్తామని చెప్పారు.